ROOST : EUNE TIOTE PAROISSE AU MITAN D’CHES MARAIS

Avant l’Révolution, i existot eune tiote paroisse, qu’in appelot  Roost (ou Rotz, Rost, Rot) qui veut dire « rosiau »  dins l’dialecte teuton. Ch’est in effet au mitan d’chés marais qu’vivot ch’villache ( chés marais sont achteur des terrains d’cultures).

Warendin i étot alors un hameau séparé d’Roost  et appartenot à l’paroisse ed Râches. Pindant l’Révolution, in a refait les limites ed chés territoires. Ch’l’ hameau ed Warendin a été arsaqué ed Râches pou ête mis aveuc Roost pou former l’commune ed Roost-Warendin

L’FUSION ED ROOST ET WARENDIN

Chette fusion n’a pas été apprécié par chés habitants ed l’époque, notammint après 1801quind les deux parties de l’commune sont devenues eune seule et même paroisse. L’égliche ed Roost n’étot pu adapté à eune population qui avot doublé.

Ch’est alors qu’deux camps s’sont formés. D’un côté, chés habitants ed Warendin proposèrent ed construire eune nouvielle égliche au mitan des deux hameaux, et d’l’aute, chés habitants ed Roost souhaitotent garder leu égliche et l’agrindir. Pindant d’longues années, des démarches furent faites par chés deux parties. Cha n’est qu’in 1828 qu’a été décidé l’construction de l’nouvielle égliche au mitan de l’commune. Chette nouvielle égliche Saint Martin a été inaugurée in 1832. Pou l’anecdote , les paroissiens ed Roost occupèrent pindant longtimps l’côté drot de ch’l’égliche et cheusse ed Warendin l’côté gauche. Chette démarcation s’artreuvot jusque dins ch’cimetière pou l’plache ed chés tombes.

Pu tard, à cause de l’grinde activité de l’Fosse 9 ed l’Escarpelle, nombreux mineurs et leu familles furent logés à RoostWarendin. L’cité minière appelée « Belleforière » fut construite pou cha.

EUNE PAIRE ED CHIFFRES POU ROOSTWARENDIN

• Superficie : 720 ha
• Nompe d’habitants : 6032 (au 01/01/23)